Lolotonga hono fa’u ‘o e Fakamatala Patiseti ki he 2003/04, ko e tu’unga faka’ekonomika ‘o e fonua ‘oku ta’emahino ‘aupito pea ‘ao’aofia. Neongo kuo lava e konga ‘uluaki ‘o e feinga tau ‘a e Ngaahi Pule’anga Fakatahataha pea mo ‘Iulaki, ka ‘oku kei ‘i ai pe ‘a e ta’eta’epau he tu’unga ‘oku ‘i ai e ngaahi maketi pa’anga pea pehe ki he ngaahi maketi koloa. ‘Oku hoko foki mo e to ko ia e mahaki SARS, pe fa’ahinga niumonia fakatu’utamaki ke ne uesia lahi ‘a e tu’unga fefolau’aki ‘i ‘Esia pea kau ai mo e Pasifiki, pehe foki ki he to lalo mo e ngaahi toutai ‘i he Pasifiki makatu’unga mei he feliuliuaki e tu’unga ‘o e ‘ea mafana mo momoko. Ka neongo e ngaahi tu’unga pōpō’uli ko ‘eni, ‘oku kei fakataumu’a pe ‘a e Patiseti ‘o e ta’u ni ke muiaki e ngaahi visone langa fakalakalaka ‘o e pule’anga ‘a ia ‘oku ha ‘i he Palani Fakalakalaka Hono 7.
Category
Budget Statement
