‘I he ngaahi patiseti kuo hili´, ‘i ha ‘ātakai ‘oku feliuliuaki, kuo u ‘osi fakamamafa’i ai ‘a e tukupā ta’eliliu ‘a e pule’anga´ ki he’ene vīsone ki he fakalakalaka fakasōsiale mo e faka’ekonōmika, ‘o hange ko ia ‘oku hā ‘i he’etau Palani Fakalakalaka´. Ko ‘etau vīsone ‘oku siofaki atu ia: “Ke langa ha sōsaieti ‘oku lavengamonū ‘a e Tonga kotoa ‘i ha tu’unga mo’ui ‘oku mā’olunga mo lelei ange makatu’unga ‘i he pule lelei´, tupu faka’ekonōmika ‘oku tataki ‘e he sekitoa taautaha´ ka e vahevahe totonu mo ngāue fakapotopoto’aki ‘a e ‘atakai´, lelei ange ‘a e tu’unga ‘o e ako´ mo e mo’ui lelei´ pea mo e fakalakalaka ‘i he talafakafonua´.
Category
Budget Statement
